上個星期朋友公司請食團年飯, 選擇左呢度食自助餐
食物唔算十分多, 但味道都幾好
魚生就唔係多, 得3種選擇
個周打蜆湯好好飲呀
熱盤都ok啦, 賴尿蝦好味
仲有d凍盤都好好味

其他就一般啦

價錢係折左$260一位

一間普普通通既日本餐廳lor, 似和民, 野食細細碟
味道ok 啦 .唔算好突出
有一個燒餅叫做唔錯啦
勝左有個view lor
價錢就幾貴呀
兩個人五百幾蚊, 今餐係朋友請

EXP係美心集團o既... 所以食物質素都唔差得去邊... 但就好食過美心MX好多了...

來到又係叫左海鮮pizza同埋雞翼, 仲有d小食, 雞軟骨講真粉太多唔太好食lor.... 野飲都唔覺得好飲.... 自己一向唔太like d果汁溝埋一齊.... (仲要有奇異果同橙汁)~~ 好怪~~

冬天來到特別覺得凍, 可能因為隔離就係冰場, 涼意總會吹到過來.... 但如果著夠衫就冇問題了... 聽下"I was born to love you", 諗起木村套戲都幾好feel!!

價錢其實都算係又一城最經濟o既餐廳了 (唔好同food court同KFC比較la....), 坐得算舒服, 個人而言我只會肯坐d入面o既位, 一d一張檯兩排椅o既我就唔會考慮嫁喇... 因為冇得"I", 好唔舒服!

兩個人都可以$200內就攪掂, 而且食得幾飽and幾滿足, service係唔錯o既, 同埋呢度都幾多cityu人會來~

試過見過星爺o既徒弟同埋少爺占都幾次,... (但大明星就冇喇).... 每次來都要叫佢個生蝦, 整得好好食, 仲有鹹魚炒芥蘭, 都係好正!

冬蔭公佢係整得好好味o既, 但如果你唔受得o既話就唔好試喇, 因為幾spicy的....

腸胃唔好一定唔好飲佢d沙冰, 因為平均飲兩次會苛一次 (haha... 冇呃你)... 尤其佢o既番茄沙冰, 真係次次都有事嫁.... 不過如果你腸胃好就唔驚la....

小最谷呢兩年價錢都貴左好多.... 人都幾多下.... 門口嗌位o既男人態度唔係太好 (唉, 又係咁~), 同埋佢成日會俾熟客搶位, 所以人多時都幾不滿lor, 問佢佢次次都話係人地一早book, 大佬, 邊有咁多人一早book呀, 次次來到又同你踏晒膊頭, 好似好friend咁咬耳仔.... 好唔公平.... 我地就要等成粒鐘....

位係絕對唔好坐嫁, 千祈唔好有期望... 如果有時間o既話最好九點後去, 費事要等位la.... 

順帶一提, 佢個咖哩蟹係我o既favourite!! ^.<

杯奶茶真係杯對杯沖幾轉架... 唔好以為佢間舖在後巷... 其實真正間舖在京街...

小菜王個名唔係太特別, 因為附近都有間叫容記, 不過我自己覺得呢間比較好食... 同以前一樣黎到都係叫佢o既黃金蝦, 都成舊水嫁, 都係得十隻八隻, 但勝在幾好食....

佢o既九肚魚同魷魚都好正嫁.... 炒蜆都好好食....

友人比較喜歡食佢個魚腸, 但我就怕煋所以冇食到....

菜係其中一個幾抵食o既, 非常大碟, 仲有佢o既鱔都好好食嫁....

其實次次來都食得好飽, 但加價次數實在太..... (可能因為出左名la....)

服務真係講唔上好好, 算係可以, 但成日會漏單, 最差服務o既應該係等飛仔叫number那個男人, 成日都會著紅色衫, 講野大大聲, 不過都幾串嫁, 我去到通常望都唔望佢....

不過如果你係鐘意食大排檔, 就可以o黎試下lor, 因為d野食確係okay o既, 而且價錢都算大眾化, 裝修係冇嫁喇, 但都光猛lor~

我都同上手一樣鐘意食佢o既雞翼飯呀... 不過我鐘意叫佢加多隻煎蛋...

另外, 佢o既豬扒飯都好好食, 雖然佢間野冇裝修, 冇任何設備, 老闆都幾惡嫁... 但呢度係有一種「家」o既感覺, 平時出o黎食飯好難會有一間野好似食緊屋企飯咁, 價錢在太子來講唔可以叫平嫁喇, 飲埋個野都三十幾蚊, 但係acceptable la...

p.s. 佢隻雞翼係好大隻o既, 四隻真係食死你! 不過因為煎o既關係, 確有點油膩....

而家發記開到周圍都係, 但我覺得可能開得太多, 反而d服務keep唔到....

番到去深井, 好開心咋車來仲可以見到肥老闆, 佢o既服務真係好好嫁, 成日會問你想食乜, 仲會同你打牙較, 又唔會催你走, 同埋可能始終係深井, 個感覺真係悠閒得多...

我都係一如既往叫佢個芒果冰, 同埋芒果糯米卷, 真係好好食呀, 尤其芒果冰係鮮芒果味好濃, 好鬼大杯, 其實兩個人share一杯已經好足夠, 仲有佢會俾個spoon仔你, 真係同其他o既dessert鋪好唔同....

有車o既人, 我建議你地去發記好過去西貢滿記, 因為滿記實在太唔好坐... 又趕頭趕命...

即使你想去發記, 都要記住去深并間老店, 因為出面(好似cwb間咁)真係等位等死人, 張檯又細, 點坐呀? 仲要成日收野想趕你走咁, 你亦唔好意思坐耐d傾下計了, 食dessert食到咁匆忙, 完全係失去左食dessert o既悠閒寫意!

有d人鐘意去廟街食煲仔飯... 但我獨愛呢間明園.... 

其實佢一般時間都唔多人... 價錢係呢區算係幾鬼平o既.... 食方面都係粥粉麵為主la....

但冬天我會好鐘意夜晚o黎食煲仔飯.... 雖然每次都要等幾耐嫁... 試過一次要等45min (餓死我了~), 但好在每次佢都係即叫即整, 連飯有時都係即煮 (因為要先煲飯再放入去的~~)... 所以等得會耐左d...

但個飯一來到, 我叫左雞飯, d「食送」好多, 而且佢d飯焦唔係lone晒嫁, 連埋佢d好味豉油, 一畢出來, 真係好鬼脆好好食, 雖然佢個樣唔係正宗o既煲仔飯 (佢唔係用瓦煲嫁), 不過最重要係味道非常之好, 加上佢o既奶茶亦好好味, 一餐連野飲廿幾蚊, 冬天食就最o岩了.... 又經濟....

有朋友聽我講過後去食, 但佢有點失望, 因為唔係用瓦煲, 但我就反而鐘意佢唔用瓦煲, 因為用瓦煲d飯好易會黑晒, lone後黎係好似食緊炭咁, 唔覺得好食lor.... 反而呢度o既我覺得係最好食o既!!!

因為朋友生日而去呢度食飯.... 本來一心諗住x香集團唔會差得去邊卦...

上到去, 佢分一邊係上樓(上海野), 一邊係潮樓...

佢限我地要2hr內走 (酒樓都要咁?? 7pm入座咋bor.... 仲要有book位.....)

anyway, 照食, 佢d野唔可以話難食, 但冇乜特別lor, total 7百幾 (6個人), 但食唔飽, 又冇乜野想再嗌.... 

後來走時知道朋友有港龍card可以儲里數, oh, 俾人呃了, 原來係來幫人儲分... hahaaa...

算la, 都冇所謂, 當o黎見識下la.... 但應該下次只會去番佢地集團傳統o既酒樓食下飯or hot pot算了.... 唔想浪費金錢食d唔好食o既o野..... ^.<