朋友請食飯, 選擇左海天食豐富海鮮

一去到緊係先去三聖買海鮮啦

兩個人買左一條象拔蚌, 三隻細龍蝦, 幾支大蟶子同埋一條東星斑, 超豪

象拔蚌刺生, 淨下膽的用椒鹽整, 正

蒜蓉粉絲蒸龍蝦仔, 超正

西蘭花炒大蟶子, 正

清蒸東星斑, 正

樣樣都好好食

海鮮加埋加工錢 : $1100

價錢唔貴既日本餐廳, 沙田區黎講算平了,但食物質素一般啦

稻亭烏冬好淋呀, 唔好食

三文魚普普通通啦

田中搬左去大馬路... 人比以前仲多左好多... 去到都嚇親我...

上次我地去食時覺得佢名不副實... 但今次................... 決定俾多次機會佢....

今次我地都係狂叫sushi.... 但係佢d三文魚同以前一樣.... 冇味o既...

唔可以叫難食... 但真係唔會覺得係好食lor...

仲有我超級唔like佢o既45min限時.... 攪到真係食得好急...

仲收錢收得鬼死咁快.... 完全係冇service....

今次仲叫左個雞皮.... 冇乜味.... 食完超級油膩 (但預左:::)

算la... 下次我只會揀金田同埋酒泉....

sorry喇田中.... 真係唔會再咁蠢幫襯第三次了^^

鍋貼係十蚊4個... 因為公司在附近.... 久唔久都黎食下... 但我prefer叫外賣.... 因為實在太逼人... 又坐得辛苦... d位又唔舒服...

其實叫外賣佢地都好細心... 會在盒"吉"兩個lone,等你d鍋貼保持住咁脆口....

有時我買番屋企... 會再番煎下... 發覺味道都係一樣咁好味...

當然番煎唔可以太耐la.... 否則整乾左入面就唔好食嫁喇......^^

其實食過幾間山東餃子館... 但長沙灣兩間之中, 真係一間天堂一間地獄...

冇計la... 新店同舊店環境始終有分別....... :(

今次都係食一貫至愛o既"膠"魚水餃... 而呢度o既特色就係冇湯o既... 只有餃...

坦白講我已經試過好多款.... 只有呢款個人認為值得推介...

佢個豆漿係非常淡口.... 好似加左好多水咁.... 一d都唔好飲....

我唔知道冇湯o既水餃係唔係山東特色... 但聽講大陸好多時都係咁o既... 冇湯...

如果你食慣有湯.... 你可以叫佢加... but要收錢嫁....

十零廿蚊有十隻你食.... 算係咁啦.... 去開呢頭久不久會入去食一次...

最近發覺深水步黃金附近都開左間......... 裝修似係靚d wor....

老店最好別去.... 因為 ---- 環境確影響食慾~~

好好味呀,佢個「hello」係我o既至愛...

松記o係長沙灣咁多年... 我一直都好鐘意食....

其實佢糖水同其他名店冇乜太大分別...

比較有特色係hello同埋幻彩明珠....

我成日都會同細佬妹黎食下... 仲好鬼多車泊o係度叫外賣呢....

松記都有外送服務... 不過如果遠就要俾單程的士費....

連畢架山都一樣送呢...勁!!

最近佢開左間新店在附近.... 下次都去試下先... (o個間冇咁多人~~)

o係板前食野係一個享受... 雖然坐得唔舒服... 但d野食確係正...

呢間已經黎過好多次... 一點就開始叫三文魚... 新鮮無比...

跟住當然不得不食佢o既巨型帶子壽司la... 貴係貴左d... ($35)... 但物有所值...

食過咁多度都係最愛呢度o既帶子... 非常甜美....

板前蝦係比較平凡... 不過愛蝦之人一定唔會放過...

以前d人成日話壽司亭最正... 我諗有左板前後... 大家都要shift過來食sushi了~~!!

今晚途徑北角，肚仔餓，見到吉野家咁夜都未收工，見佢個介紹最尾寫住「用心去做」，所以試試係咪用心去做先得，叫咗個套餐+照燒鯖魚(另外加錢)。

因為太夜，所以上餐的時間好快，快到我都唔信，點知佢攞少咗個照燒鯖魚俾我，我唔出聲，坐底食住先，睇睇佢地會唔會 Follow up，點知佢地當無事發生，到最後，只好自己走返出去叫佢地送返過來俾我啦。

我相信吉野家係用心去做，但唔知點解，可能個人口味唔同，總覺得D飯味唔夠，醬汁也是不夠多(千萬不要反駁我話: 如果不夠醬汁，就叫佢地俾多D)，作為一家連鎖食店，最基本就係要實實在在試下個餐，份量和質量是否足夠，大家應同嗎?

最後講句，有待改善。

東坡肉套餐 - $38
包汽水，面豉湯，泡菜，Jelly (近排去食會送利是封)
照燒鯖魚 - $10
--------------------------------
總計: $48

一門o既玉子真係咁好食嗎? 我未食之前都有呢個疑問....

食完佢一餐又貴又唔飽o既飯後, 我o既comment係: 買佢個樣only, 食都可以, 但唔係真係咁正lor...

d人服務態度係very good的.... 但大部分野o既份量都好少...

而且味道係超級濃or鹹...!!!!!

食完餐飯要飲o既水係非常多先可以攪掂....

相信我唔會再考慮再來... 因為以呢個消費... 應該可以食更好o既o野~