經過見呢間有海南雞飯, 就入去試下.叫左等十五分鐘才到, 油飯是ok 的, 但雞是斬開再返熱, 很硬, 加$8 叫多個例湯, 落單後聽見有另一侍應向落單那位問, 個湯係咪比錢叫? 心中已感不妙...果然, 再等左十五分鐘個湯都未到. 最後埋單走人.

店內好窄但環境算唔錯，由於我地拎住購物袋，有個侍應都幫我地拉凳，感覺良好 鵝肝壽司：入口即溶，回味無窮，所以食完再點多碟. 珍寶帶子壽司：呢個唔洗多講，招牌菜 火灼魚,火灼帶子壽司 ：唔錯，口感幾好 池魚王壽司：爽口新鮮

::試下無妨:: 咖哩雞肉農夫飽餐:咖哩好油,冇乜咖哩香同味,得幾粒雞肉,小左d囉,,讚既係個包-外脆內軟!!!

Delifrance都有好多分店,今日講唔係佢既食評,而係講佢d服務,呢間d職員服務真係幾好架,同埋d位坐得舒服,鐘意坐o係企嘆tea咩,可以揀佢出面d露天位,感覺很遊閑

食宵夜都會去呢度,因為佢有個二人宵夜餐,前後去過兩次,印象中兩次d款有少少改左,不過都好好味,當中會有一個雞粥,一個炒面,一個豆瓣醬炒菜,好似仲有一個小食(不過唔係好記得,跟餐仲有兩杯"大咸濕"....其實係咸檸七,好好味,兩個人食一定飽到嘔

呢度個老板同d員工既態度超級唔好,食完想慢慢坐下,d伙計不停望下你,眼見冇人等位,好似想趕人走咁 而有一次我地其中有個朋友唔係好舒服.冇叫到野,個老板超唔like叫我地食快少少,快d走,嘩呢d人咁做老細架,今時咁既服務態度點得架

之前聽朋友話好時啲海南雞飯唔錯,所以同老豆媽子嚟食,間餐廳位置幾吊腳,所以好久先嗢到,一入嚟,二話不說就叫咗,海南雞飯兩份(每份$36)同埋豬/牛/雞串半打($35),個海南雞飯嚟到,個油飯未食到聞到陣陣香味,食落去味道唔錯,但個海南雞味道幾淡,要點醬汁先有味,個湯味道唔錯,味道同媽子煲啲味道叉唔多,啲串燒味道幾甜,但啲肉唔實

每個星期日都會同家人到呢間酒樓, 因有這好味的食品只有它有, 例如勁好味又勁有菠蘿香味的菠蘿叉燒餐飽 (中點), 葡汁腐皮卷 (中點), 百花炸蟹鉗 (特點), 灌湯餃 (特點), 抄鴛鴦米粉 (大點) , 蝦餃 (蝦鮮彈牙) 和其他普通的點心 等等, 全都好好味, 能保持一貫的水準, 當然價錢是貴了少少, $8 位茶, 總好過一些便宜點但難食

朋友介紹既。之前見佢出名，就諗住試下喇。 點知入到去，成間鋪頭無人既!?心知不妙! 叫左個公司涼粉，$16，點知就係涼粉加紅豆同膠粒。好似成碗可以係超級市場買罐頭番黎溝埋佢咁。真係唔明點解要特登去食囉。 環境普通，招呼求其都算喇，仲要唔好食，係未轉左手丫?

星期日將軍澳好多人,家鄉雞都係.....><",但有時想食下雞都只有呢一家,不過我最愛都係佢地既早餐,要配有雞扒既早餐,每隔一排都會諗先,忍唔住要食