本身住大埔，呢間店都有幫襯過幾次，因為佢雞飯出名，
但都係堂食多，未試過叫外賣，後期佢增設送外賣服務，
對於我呢d無飯家庭黎講就梗會幫襯下佢，
點知唔打去由只可，一打去就
把幾火 
當我打通電話，等o左好耐先有個阿姐聽電話，
佢一接聽只係沒好氣的"喂"一聲，
(心諗"喂"什麼?應該講出你係東江雞先岩,一d都唔專業,不過算,都係d餐廳仔黎,唔太高要求了)
咁我就問"係咪東江雞呀?"，佢先答"係呀係呀"，
我話"叫外賣呀,唔該"，佢答"要咩呀?"(好似我仲好禮貌過佢咁,而家唔係佢服務緊我?)
咁我就話"要一個鹽焗雞飯丫"，佢話"仲有冇呀?"，我又問"係咪有豆漿跟架?"
佢答"跟埋比你啦!"
(佢呢句個態度係好似好唔滿意咁)
佢再問"仲有冇呀?"，我話"無喇"，佢問"送邊度呀?"，我講出我既地址，
佢一聽完，竟然話"
嘩!你一個飯自己黎攞啦,我地唔送架!!"
(態度非常惡劣!!)
跟住我已經滾滾地，剩係同佢講"算"就cut佢線。
我心諗，咁你又問我送去邊?聽完邊度就話唔送，仲要咁既態度，係咪做生意架?
講真，我住o個度唔算好遠,就算你覺得我叫得少野唔想送，都唔係咁既態度下話?
呢d係咪叫恃住自己老字號，就算亂黎都係咁多人幫襯架啦!?
以前我都有去幫襯佢，因為佢d雞係整得唔錯(有雞味)，
但後期覺得佢越整越差(d雞老到死,仲要用湯淋到佢鬼咁熟)，唔知係咪旺o左就求奇呢個定律。
總之今次之後我以後唔會再幫襯呢間野!!去幫襯[咪走雞]好過，佢d雞都唔錯。
話說我諗番起我有個朋友都曾經講過話同家人去東江雞食飯，
都提過話d伙計態度差，記得佢話o個次最終都係不歡而散。
後話﹕
雖然呢間東江雞唔係d咩高級餐廳,對佢的服務態度要求都唔會咁高,
但係我就接受唔到佢態度咁惡劣,唔通我比錢都仲要受你氣!?
今次o既事件我唔知係咪個別員工問題,如果係的話,我勸個老細好快d炒左佢,
唔係佢一定幫你趕走唔少客!!
最新食評 Gourmet Blog
Loading...
