拉面湯底好好味,好味過其他拉麵店好多...如X千拉麵~
試過三文魚炒飯,味道比較淡,食完之後發覺個碟好多油,不過整得好靚~
員工都算OK~唔OK果D應該已經炒左啦~
一個午餐廿幾蚊仲有一杯野飲,抵啦!
食過呢度既拉麵之後唔想去第2間食啦!

今日同個fd去左呢間野食tea~
一睇d價錢都覺幾抵,$20有一碗拉麵同小食~仲可加杯野飲,凍飲仲唔洗加錢tim~(注意:星期六日要加一)
我就叫左個炸雞翼拉麵,中華海哲壽司同杯凍奶茶
個雞翼拉麵有三隻雞翼,略嫌少左d,不過$20算係咁啦~~
拉麵雖然唔係人手打咁高檔,不過都應該唔係解凍貨,值得一讚~!!至於中華海哲壽司d海哲就冇乜味,不過海哲都算多~~杯凍奶茶係普通貨色~ok啦~不過d侍應就幾抵鬧,叫左幾聲都聽唔到,聽到就話"等陣"就走左去,仲要一去冇回頭個隻~幾經辛苦先搵到個侍應點菜~
總括黎講,呢間野食物唔差而且好抵食,不過俾d侍應扣哂分~

同屋企人黎食下午茶
叫左一枱野食$200都唔駛
抵食

但..食物質料好參差

蝦餃皇..好多蝦同足料.但水準一般
流沙麻蓉包都算好食..甜得黎唔膩..但唔夠料~
其他味部野..全部都below average
點心如是
唔會再黎lu

呢間野既菜色好有特色, 大部份既食物都好野味!~
尤其佢自製既特色醬汁令到d食物非常fresh同野味, 我好滿意呢間餐廳既食物.
我最鐘意就係用生菜包住春卷果款菜
同d咖哩食品&串燒真係一流.
豬頸肉...蛋飯等等, 非常好味,
而且價錢合理, 試過三個人食嘟係舊幾水, 好抵食架!!

之前試過都ok, 尋日再去食晚飯, 點知完全唔得, 食物同服務係出奇地差...
隻茶杯有漂白水味叫佢換過隻, 佢竟然話唔好換, 因為唔敢擔保第二隻會無漂白水味, 只係同我"朗"下隻杯就算數
我地點左好幾個餸, 其中咖喱蟹包,同芋頭焗飯係最難食。咖喱蟹包: 個包好"林"一d都唔似焗過, 又好咸。芋頭焗飯:勁多油同味精, 飯並無焗過, 只係一碟多油炒飯加左d芋頭, 再加d茨汁。
總括黎講, 呢間泰國菜真係唔得, 味道偏咸同多油, 所以我一定唔會再去食飯。

價錢便宜.
食物味道又好.
咖哩魚蛋幾好食,
沙律也不錯.
不過就地方細,
人多時都要等一陣先有位.

依間滿記係我去過幾間滿記之中面積最大既1間.
我去食果時都幾多人.
地方乾淨整齊.員工服務態度好好.
我食左個雪山楊枝甘露配綠茶雪糕.好好味.
個雪糕熔左落楊枝甘露到d色又唔核特仲加有d綠茶味.味道幾正.

嘩今日係我第5次去外野手(kt)
首先就要講下個裝修啦...
     都幾新既同咪好有日本feel..好warm禁,,加上光登較暗..較有進餐同拍拖既feel..十分識合男女朋友..一家大小同朋友仔去食既,,,
之後就要講下侍應方面啦
     服務得幾好..一有人客入黎就會講幾句日文..招呼都幾好無茶個時會自動自覺...不過成日會miss左d單...
之後要講下價錢
     價錢唔係好貴..100$左右再加1..唔算太貴,,2小時任食唔錯唔錯..生日仲有另外既價錢
最重要既時間就係講食野
     食野既數目..新鮮度..同咪衛生到都有95分既..而d野10分鐘左右就到..唔錯唔錯..

啲麵好好食.但係服務態度唔好 明明唔係好多人.都好漫 價錢合理=) 衛生ok

一向都有食開美心 D 包同 CAKE ...
見 D 人話個 "天使蛋糕" 好食 , 咪去買黎試下囉 !
岩岩個日去買 , 佢話要訂 , 最快第二日先有得拎 ...
跟住同屋企人食 , 都唔係 D 人講得咁好食 !
我覺得 D CREAM D 味好似怪怪地咁 !
不過上面 D 糖粒都 OK !
所以應該唔會再買黎食 !