今日同honey出到九龍城又唔知食咩，諗起之前喺度買過啲旦糕都幾好，今晚就喺呢度開餐啦! 我同honey叫咗個炒飯，齊鹵味同素鴨舌，炒飯香口同無咩油，應該都有下一次，鹵味唔太濕有o趙頭(可能我唔係太鍾意有汁o既嘢)可以接受；但係個素鴨舌無咩味同埋質感好怪唔識形容；另外可能我今晚去果陣無咩客，啲服務質素幾好喎，啲阿姐都幾好笑容。 不過今日食得太飽，無食佢啲西餅，下次一定會再幫襯!

set dinner 牛扒$60有找 大件夾抵食。 服務都okay. 坐得都okay 舒服。 如果係causeway bay 想食平野, 唔想同人迫既一個好選擇。

慘痛經歷: 今日食lunch去食,點左食物,但等左成3,4個字都未黎,同經理講d野未到,佢只係話"黎緊"冇幫我跟進,再催又係咁.....大佬你估我lunch時間有好多,唔係都唔會催你啦,攪到遲左返公司,今時今日咁既服務態度,點得架

米線 - 好有口感, 唔會太林 , 配菜 - 同其他米線鋪頭相比算係比較多 , 湯底 - 超正,好香...腩肉 - 好入味........咁多年都依然保持到水準，難得。 不過次次去親都好多人等位,不過等多陣都值得既,食過咁多間米線.哩間真係超超超級好味...呵呵

見佢都企理就入去試吓.早餐$22比一般略貴但都有幾多款揀,叫咗羅宋湯通粉配咸牛肉奄列及奶茶. 羅宋湯幾濃仲有好多料,咸牛肉奄列煎得香口而又唔多油,奶茶算濃不過唔夠滑,整体唔錯(good)

最鐘意o係放工但唔想食飯既時候,就會去鴻福堂健康快線買燒賣同茶葉旦,雖然佢d燒賣7蚊先得6粒,但比起其他係好味d,而且我最鐘意飲佢地個蘋果雪梨湯,超甜超潤,近排佢地新推出左d飯都想試下

凱施餅店d飽都好食,唯獨是佢地d餅個賣相唔係好得,所以去親都會只係買麵包而不會買旦糕

叫左個生菜絲火腿通粉拚香滑炒蛋配牛油多士,先來的係生菜絲火腿通粉, 大路例牌野, 不同的係多了點點生菜絲, 不過份量不算很多. 之後來的係加$3的冰鎮原味奶茶, 奶茶就係好濃郁的, 幾醒神.

放工同朋友黎食,佢成日都黎食架話超正喎,咁咪試下,我朋友話可以揀好小辣都得(因為我又想食又係怕辣...)我要左個小小小小辣紫菜貢丸米線,朋友要小小小辣炸菜雞肉米線加珍茶奶茶x 2;估唔到四個小辣都幾勁,我係只可以食少少架咋!米線幾淋,係我中意既淋度,同埋20蚊都差唔多仲平過我屋企樓下果間米線店~~都會再黎食!

好抵食o既午餐..午餐包括餐湯(越式- 扎肉/清雞湯), 蒜蓉法包, 主菜, 餐飲. 嗰倒啲香茅雞中翼真係要試吓, 好大隻架~~ 我自己就成日食"雞翼凍檬" 喇~~ 還有焗飯, 炒飯等~~ 個海南雞飯都幾好味架~~ 大家不防一試喎~~