一入到去要除鞋,有好多漫畫放係架度比人睇, 週圍貼左好多即影即有相,間鋪頭既氣氛好好 食物賣相唔錯,d野食好香,仲好好味, ^0^ 燒餅好好味!

琴晚放工個肚餓餓地，走入去買左隻熱狗外賣，之前都幫襯左好幾次，熱狗王系我既最愛 $13大大隻，而且有條大大既腸，個包烘到啱啱好，食完飽晒。 最中意佢呢到每叫親一樣野都系即叫即整，而且睇得出d人都好有心機咁....雖然價錢相比下系貴dd，但相比起附近幾家屋村茶餐廳，咩都整定晒一叫就拎出離，成件事差好遠

需然d食物係ok好食同抵食. 特別係個水晶叉燒包都唔錯.但係服務態度就欠佳!!! 今晚同d friend 去佢度打邊爐, 到最後埋單既時候,一心諗著可以用渣打visa card 找數可以享受優惠, 點知個waitress 話我哋點咗d特價食品就成張單都無credit card優惠. 有無搞錯. 事先都無人講過有d咁既condition . 同個部長理論,但係佢就牛皮燈籠.點極都唔明!! 最離譜就係我哋無點到啤酒, 但係就無端端飛咗落張單到! 好彩睇清楚,唔係又比多個啤酒錢..

一家大細專程到沙田食午飯,太太叫了牛肉鍋,味道偏淡,囡囡叫了拉麵加炸虾手卷,竟用上淋哂嘅紫菜包着白飯叫做手卷,有冇過份Ｄ,自己點了豬扒飯,但竟然變成碗潮式豬扒冷佬粥,又爛又多汁.唔係咁呀!

成包野淨係得佢d 調味料味---咸. 都係十蚊, 寧願行多兩步食碗魚蛋粉好過.

價錢唔算係好平, 晚市百幾蚊個餐,我兩個人叫咗一個意粉餐同另外散叫咗pizza. 唔知點解個pizza同個意粉一樣味,個source係一種味,仲甜到漏!!!!!因為我地諗住坐多陣傾計, 所以叫兩杯野飲,好似之前果d食評人的意見,成杯野係攞來果刻先叫有少少味,d冰溶咁d都唔掂 好喇!!到埋單時,每人差唔多兩舊水. 唉,咁既水準真係唔抵

以我印象中,食過咁多間許留山,都係呢間坐得最舒服,不過人手唔係好夠,都係得一兩個亞姐+一個經理,仲有有兩整野食,落單時要不停揮手,唔係唔洗指意有人得閒主動走埋黎問你食咩,食物質數同其他一樣,冇咩大分別

外面下大雨，佐敦地鐵站附近不用濕身的唯有在商場裡的沙嗲王。 不抱厚望，晚上七時只有三分一人，已經好嘈吵。卡位全部沒有了，侍應給的位置是倒茶水和出飯菜的路口位，shit。自己選第二個位，侍應則說：卡位沒有了。 誰希罕你們的卡位？ 只不過不想被打瀉的水淋濕而已。 坐定了，order了沙嗲牛肉粉絲餐，送半客小食和13元以下飲品，選了脆豆腐小食(有2件)和加五元的紅豆冰。好好味啊~ 肥牛滑而且香，沙嗲香口夠熱~ 紅豆冰椰汁夠濃~ 另外叫了凍食越南春卷檬粉，又是送飲品，加五元叫了菠蘿冰，淡!!! 個檬唔凍既... 不過整體叫好食, 尤其春卷卜卜脆~ 粉絲餐有布甸甜品，不過 無味的啫喱囉。

上星期至黎呢問餐廳食完野,今次約朋友,佢竟然又提議黎呢度,真係咁岩得咁橋! 不過今次一行五人,可以試到好多野,我地叫左五個餐,個個都好大份呀!份量多到大家飽到郁唔到囉!利害利害! 芝士焗石斑長通粉:好大碟,有兩大塊石斑,又唔多炸粉,啖啖肉,好正! 好漏呀! 芝士什菌吞拿魚焗意粉:好多好多吞拿魚,真係食死人!又多芝士汁!同芝士焗石斑長通粉一樣好漏! 韓式鰻魚石頭飯:嘩!熱到滋滋聲,又出晒煙,一路食一路煙,好熱好熱!塊鰻魚係估唔到咁大囉!仲有兩大塊,橫跨左成個碗…而且仲有一大隻煎蛋!個底烘到晒,放底既菜全部黑晒呀!黑到食唔到!飯就有焦脆卜卜,好得意好好味!但係豉油/汁真係多左d,可以輕手少少! 日式燒銀雪魚便當:估唔到好辣呀!個汁辣到人人都話唔太頂得順!不過勝在有個沙律配飯,幾balanced!而銀雪魚都有兩大塊,份量唔少啊! 吉列龍柳沙律:兩大條脆脆炸龍柳,熱氣死咯!但真係好香又好脆!食得過!個沙律同出面一般分別唔大,都係薯仔底.再加d什果囉! 甜品係提子味喱,喱仲有什果,食完己飽去行唔到! 我地全部人好欣賞其中一個後生仔侍應,因為佢真係非常非常專業,我地估唔到呢度有個咁pro既後生仔,佢份人待客nice不特止,仲有超強記憶力,可以記住每個客人所需! 我地其中一個老人家有少少奄尖,問東問西問每種餐既材料,又要求沙律要多什果等等,佢都細心耐心回答,而且幾乎有求必應!好! 仲有我地叫餐飲,人人唔同,有凍又有熱,有d又少甜,佢上飲品時竟然可以俾岩我地;而喱仲利害,我地有人要少花奶,有人要多花奶,有人唔要花奶,佢竟然記晒邊個打邊個,俾岩我地,真係好勁!唔讚唔得呀!good!

紅油抄手︰好食，材料很新鮮，醬汁味道很好，有成十隻大大隻雲吞，夠晒飽肚。 鍋貼︰餡料很鮮味，用了質數很好的豬肉，即叫即煎，但不會很油膩。 上海粗炒︰炒得很好，不會太油。 豆漿︰很香豆味。 又抵食，去得過呀！＾＾