點心冇驚喜, 全部都係行貨, 坐得唔舒服, 食野又唔好食, d野又貴... 我唔會再去!!

星期日去食午餐，落單後等了二十分鐘，枱面仍是得對筷了，叫侍應跟跟，他從厨房出來，同收銀說無落到單。巴鬼火，馬上離開。大家都不要去，避免食空氣當午餐。

我不是歧視，我以前也很喜歡這食店，以前也在此留下正面的食評，但一次不快的經驗，足夠將這食店打進黑名單 只是一個多客的晚上，那個如花竟然對我們呼喝；想他幫忙送茶水，他會呼喝你：你叫第二個。有客人來，要移動我們的位置才可容納他們，竟然連不好意思也沒一句，就逕自移動我們的桌子，更兇惡地喝罵我們：一陣間先食啦！本來放在鄰桌的己清空的碟子，一句：這個俾返你！就放回我們的桌子上....你不是應該收碟子的麼？ 最後，還算錯價錢，差了很多。 這種服務態度，東西再好吃，都很趕客。我現在真的十分討厭那個如花，為的就是她那服務態度。不管你是甚麼人，你都沒有特權呼喝別人-- 更何況我們是客人，也不是甚麼難纒的，只是沒有叫你推介的大蜆和大蝦而己！我付錢來吃的,不是付錢來受你呼喝的。 因此，此店被納入黑名單。我也只會坐在太子道的小舖了，再讓我看見如花，我怕我會揍她。 (太差啦)

佢d餃子好好食,但d飯唔係好得,叫左個麻婆豆腐飯,整得唔係好好食lor,如果要求唔高都過得去既........都係最鐘意佢個餃子

在旺角都不太留意到有這間餐廳,因為真的很細. 我們叫了些壽司食,價錢都算平宜,要提一提他們的三文魚壽司,我們都覺得ok新鮮,這個價錢來講有這樣的質素,真的比我們預期中好!不過我見到店內雖然很細,但食物款式都很多,我看到有三文魚生撈飯很特別,有機會會試下..

每樣野都細細碟,但好好味,而且刺身好新鮮,食物水準不錯,推介宮崎牛火鍋,一定要試,不過價錢就貴少少

個水煮牛好好好食, o的湯好有味~~ 兩個人吃, 再加彈牙的紅薯粉內煮, 份量很多! 可以用這個價錢吃到這個味道, 實在太抵了~去這裡一定要食辣!

一早去完追思禮拜之後, 大家拉大隊來這裡吃. 本來係打算去飲茶的, 但搞兩搞就來了這家好近的店. 一行十幾人, 已經佔去了店方一大半的位置了. 剛過十一點, 店方還繼續讓大家吃早餐\, 無話夠鐘無得食, 有彈性. 但見這裡叫做牛什粉麵茶餐\廳, 就叫個牛什吧. 牛什粉$19: 6分, 這個經濟粉麵餐\, 連飲品只收$18, 凍飲加$1. 碗粉面頭係落了相當大份量的蔥. 先講個湯底, 係比較清, 無乜牛味. 見這裡以牛什為招牌, 還以為店方係預備了一大煲牛湯慢慢煲. 牛肚係比較好的一樣, 淋得來也有咬口, 但只有兩件, 其餘盡是牛腸, 牛膀等等, 吃落口覺得牛腸不太有味道, 也不爽口, 或許\不夠油脂. 整體感覺係味道不夠濃郁, 不太入味, 以招牌來講, 不太滿意, 凍檸茶比較淡, 茶味不夠. 店子小, 一下子來了太多人, 也要等一大輪先有得食. 味道普普通通, 但係就幾便宜的. 突然想到今年的出隊好像少了, 大家的凝聚力也好像低了. 是大家太疲累了? 希望一月有轉機.

尖東呢間車仔麵, 成日見好多人食... D 沙爹同酸菜汁好辣(有麻辣米線中辣程度) , 豬肚絲好橙, 雞翼唔好食. 總計, 味道一般, 但唔知好多油定好膩定點, 一碗三送麵係會響食唔飽o既情況底下食唔晒.... 價錢略貴, 麵底八蚊, 每樣送五蚊. D 位好多時會俾人撞背脊. 總之就唔抵啦

今日同朋友一齊黎食晚飯,各人都嗌左吾同既飯同烏冬,個價錢係平 ,飯既份量較少,個烏冬冇咩咬口 ..同真正好味既手打烏冬差好遠,最差係d 服務,令人食得唔舒服,果個侍應企曬係到啤實曬 ..好似吹你落單咁,好似比人睇多陣都唔得咁.0係果到食野好有壓力 !!