用料唔新鮮...食過幾次..最離譜個次d三文魚都冇解哂涷既..仲成塊硬硬地既..買相差,係碟到天一半地一半咁...服務就唔好提....

呢間野去過一次打完邊爐唔會再去,d野勁污糟,叫左生蠔,但就算烚到好熟,感覺都係唔新鮮,仲要d人好雜,第二日個肚形住唔係好付舒服*_*

居然容龍酒家都有免費WI-FI（真係有Ｄ意外，）．停車場係正酒樓下層，好方便，又唔洗收費． 聽朋友講容龍幾好環境，個日入開去悅湖，順便去容龍飲茶見識見識，點知原來容龍無茶市，咁唯有叫小菜，甚麼涼瓜牛肉（幾好），味菜鮮魷（味菜太甜），咕嚕肉，白灼蝦，蒸魚，抄菜．整體都幾好，5大2細，六百幾．都ＯＫ

以前在觀塘返工, 間中都會和同事朋友黎食, 真係唔錯! 推介麻辣雞煲...越食越辣!! 不怕辣的話還可以叫多客炸饅頭點汁來食, 好正! 另外一定要食的係蒜泥白肉, 食極都唔厭~ GOOD~~

經常晚上經過，每次也見到人頭湧湧，一直都好奇可以咁辟的地方都咁人氣。 原來果然有一手好野。 源自濠江的豬骨煲，本來便是粗菜，無需包裝扮高檔，反而就咁街坊街里的感覺更舒服。 食物方面，先彈一彈；沒有了大角咀的貝殼海產，只有一般泥仔。 手切肥牛肉可以，但牛肉粒則太硬及太乾，蝦丸就不合格，可能食過合興蝦丸，無得比較了。 但另一方面，正如所講過的「粗」，豬骨，真係好粗，除兩舊大「爭」位骨，仲加上大量手腳骨，但碎骨；骨碎就一粒都無。 鵝腸，落單前再三問清肥唔肥。 點知…原來…真係可以咁肥… 真係未見過唔算知道咩叫肥鵝腸。 鵝粉腸…真係一山還有一山高；一腸更比一腸肥。 （放心，一6D膏就溶，食落只有甘香但唔肥的。） 其他的墨魚滑、魚麵線等都新鮮味美， 由於無粉，墨滑彈牙得來唔會發大，啖啖實肉。 脆鯇就細碟左小小，唔夠喉。 蠔就好似唔覺有，如果有就更好。

同太太去左食車仔麵，見到四餸就可以送飲品，所以叫了蘿蔔,大腸,豬紅,豆卜麵加豆漿。 麵和蘿蔔都是一般。大腸幾好味，另外豆卜比較硬。 總括來說它份量不少，但是價格便宜一點會更吸引。

清湯底配上海白麵，湯帶著微微鮮味，加了些津白絲及芫茜，芫茜香辛絕對是點綴清湯的良伴，加上半隻淡味的醬油蛋同幾件炆得入味的羊腩、羊腿，報導說是廣西的黑草羊，沒羶味芸芸，心想，以大量香料及薑同炆，再羶的羊大概也吃不到羶味。 主理人是上海人，烹調時也下了點醋，羊肉滲著濃郁香料味，也不介意微酸味分，可惜炆的功夫麻麻，肉質變得散起了，皮的膠質感也化開了，質素只屬街坊級數，當然這裡收的也是街坊價錢，取價也算公道。

食吉野家一定要要牛肉飯，覺得佢d野好健康，唔多油，除左牛飯外，個雞飯都好好食呀，下午茶低到爛．．． 定時定候仲有ｄ小食可以加添．１個字"抵"

叫左個$98二人餐，賣相雖然唔吸引，但幾好食： 1) 炒河- 本身味道都ok，濕濕地，加埋咖哩牛腩一齊食就更好味。 2) 粉卷- 好油，但芫茜令到ｄ配料好香口。 3) 咖哩牛腩煲- 唔辣（咁我），牛腩牛筋唔"un"，味亦夠，不過亦食得出幾味精。 4) 中湯- 都幾好味，唔知係咪因為加左好多味精… 5) garlic bread - 朋友話熱食幾好，我凍食就"林"左。 不過有野要留意！我見到ｄ職員見有客冇食籃生菜（用黎包住春卷）佢就成籃擺返去水吧"再等下round"，唔好話唔恐怖！下次都係咪黎。

一直以來呢間食店都比我一種好好高尚好高貴感覺, 有種遙不可及, 但就成日心思思想去, 覺得點都要試一次, 早一排終於豁出去, 所以就去左呢度飲餐茶! 入到去感覺真係好高貴, 侍應安排入坐後, 我當然係即刻晝野食! 兩個人叫左蝦餃, 蝦腸, 蘿蔔糕, 小籠包, 珍珠雞, 牛肉同埋煎餃子! 先講蝦餃, 蝦餃真係皮薄餡靚, 蝦肉好爽口, 好味; 蝦腸蝦肉依然好爽口, 而腸粉好夠滑, 正呀; 蘿蔔糕煎得好香, 唔係太粉有蘿蔔味, 可以; 小籠包又係出色, 皮薄而裡面夠湯, 肉身夠鬆, 一夾又唔會穿, 掂呀; 珍珠雞普普通通, 冇咩特別; 牛肉真係幾牛肉下, 蒸左出黎都幾紅身下, 冇咩溝豬肉; 而煎餃子就比較油, 一般d啦! 總括黎講呢度食物質素幾好, 環境舒服, 服務幾好, 係價錢貴d, 埋單二百幾, 都可以接受, 始終覺得一分錢一分貨, 如果比多少少錢可以有咁質素, 完全覺得物有所值, 有機會一定會再黎!